Pag-Ibig, Pagmamahal at Pagkabigo.....Handa ka ba Masaktan?

"The greater your capacity to love, the greater your capacity to feel the pain."
~ Jennifer Aniston

Naranasan mo na ba ang paulit-ulit na pagkabigo at paulit-ulit na nasaktan? Dahil lamang sa ikaw ay nagmamahal ng lubusan?

Photo google from unknown

Sa isang relasyon na halos ginagawa mo na ang lahat ng kaya mo ibigay para lamang ito ay maging maayos at magkaroon ng katuparan ang bawat pangarap na pariho ninyo binubuo.  Pangarap na balang araw ay matutupad pagdating ng tamang panahon.  Sa pakikipagrelasyon sa larangan ng pag-ibig, kaakibat ng bawat saya ay may kalungkutan, bawat matatamis na ngiti ay may pait na kapalit at ang pagmamahal ay meron katumbas na sakit at pait.  Sa ayaw man at sa gusto natin, kahit ano pa ang saya dulot ng pagmamahalan ng isang magkarelasyon, dumadating din sa punto na meron pagdadaanan na mga pagsubok.  Pagsubok na kung saan susukatin hanggan saan at kung ano ang kakayanin ng bawat isa para lamang sa ngalan ng pag-ibig.  Sa bawat tahimik na pagpatak ng bawat luha, sa halos mag collapse ka na dahil halos hirap ka huminga dahil sa sobrang sakit na nararamdaman mo  at halos zombie ka na dahil nanlalalim na ang iyong mga mata dahil sa hindi  ka makatulog at dahil sa iyong naramdaman,  andun iyong wala ka na sa iyong sarili na dahilan ng muntik ka na masagasaan dahil tulala ka at lumilipad ang iyong isip.  Marami pa ang mga bagay na hindi maganda nangyayari dahil sa ngalan ng pag-ibig kapag ikaw ay nasaktan o naranasan mo ang pagkabigo.

Naisip mo na din ba ang sumuko na? Iyong alam mo naman sa sarili mo na talaga lang hindi ka pinagpala sa larangan ng pag-ibig? Iyong bitter ka dahil bakit ikaw pa ang nakakaranas ng pagkabigo samantalang wagas ka naman magmahal at loyal ka pa sa taong mahal na mahal mo.  Na ikaw na napakabait mo sa mga taong nakapaligid sa iyo pero halos walang karapatan para naman lumigaya.  Iyong feeling na para kang sinumpa, na kahit ilang beses mo pa mag try na magmahal at halos ginamit mo na nga ang isip mo para huwag lang masaktan pero ganun pa din ang nangyayari?  Pero dahil tao ka lang at gusto mo maranasan ang maging masaya naman ang napakalungkot mong buhay, ito ka ngayon at sumubok na naman na magmahal ulit.  Nakakapagod din di ba? Pero lagi mong iniisip na baka ito na iyong tao na sagot sa dinadasal mo na in return ay mamahalin ka din ng taos puso at hindi sasaktan.  Ang pag-ibig ay isang sugal, at kailangan sumugal at ang puhunan ay ang mag invest ng pagmamahal na tunay, at kapag natalo ito ka at iiyak na lang sa isang tabi.  Mag iisip at babangon ulit para buuin naman ang sarili na minsan na naman winasak ng dahil sa pag-ibig.

Madalas dahil sa kagustuhan mo na ayusin ang lahat dahil sa pagmamahal at mga pangarap ninyo na unti-unti binubuo.  Ito ka at lagi umuunawa at umaasa na malampasan lahat ng pagsubok. Ng dahil sa pagmamahal halos kainin mo na ang sarili mo pride, gagawin mo ang mga bagay na akala mo hindi mo kayang gawin pero nagagawa mo alang-alang sa pagmamahal mo sa taong mahal mo.  Pero, dumadating ka din ba sa point na halos natatakot ka na din sa mga ginagawa mo o  sa mga nangyayari.  Takot ka na baka isang araw magising ka na naman ulit at nagtataka ka at meron ka kakaibang nararamdaman, iyong pakiramdam na parang wala na iyong pain at parang balewala na lang lahat.  Dahil sa sobrang sakit na iyong nararamdaman tuwing meron hindi pagkakaunawaan halos na immune ka na at sasagi na naman sa iyong isip ang mga nakalipas na mga pangyayari kung paano ka exactly na fall out of love.  Kasabihan nga na hindi sa lahat ng oras hawak natin ang ating mga puso, sila ay may sariling isip na nagdidikta sa atin thru our emotion.

Hindi ba puede na puro na lang pagmamahal ang pairalin ng sa gayon ay walang nasasaktan na damdamin.  Hindi, dahil kapag hindi ka marunong magmahal hindi ka rin masasaktan.  At hindi ba puede pagtagpuin kapwa iyong mga taong hindi kayang manakit ng damdamin ng taong mahal nya, ng sa ganyon pariho nilang iingatan ang pagmamahalan nilang dalawa.  Iyong parihong meron malawak na pang unawa sa ngalan ng pag-ibig at pakikipagrelasyon. Iyong parihong nakakaunawa sa bawat  pagkukulang at pagkakamali ng isa't-isa.  Pero, siguro nga hindi puede ang ganun, dahil kailangan maranasan ng bawat relasyon ang sakit para makamtan nila ang tunay na ligaya.  Iyong ligaya na hinubog na ng panahon at hindi na kayang buwagin ng kahit na anong unos pa dumating, dahil meron na itong ugat na malalim na nagpatibay.  At dahil sa ugat na iyon kapag lubusan na itong naging hinog para sa isang matibay na puno ito ay magbibigay na ng ganap na kasiyahan at kaligayahan pagdating ng araw...pagdating ng tamang panahon.