JACK OF ALL TRADE MASTER OF NOTHING

http://www.123rf.com/photo_9242145_jack-of-all-trades.html

Ito ang katagang una kong narinig sa aking kaibigan noon.

Lagi ko na iyon naririnig sa kanya, sa tuwina’y nagkukuwentuhan sila ng kaniyang mga kasamahan sa trabaho.  Dahil likas na mahiyain pa ako noon, hindi ako nagkalakas ng loob upang siya ay tanungin; ano nga ba ang ibig sabihin ng bukambibig niyang ito.

Ako’y laki sa hirap.  Sanay na sanay ako sa lahat ng trabaho, walang mahirap sa akin, at lalo nang hindi uso sa akin, ang salitang “hindi ko alam”.

Para sa akin, sobra akong mapalad dahil nagkaroon ako ng trabaho.  Masaya ako, dahil alam ko, na mas marami ang katulad ko noon ang walang mapasukan. Kaya naman dobleng sipag ko, dahil na rin kailangan ko ang mabuhay dito sa Maynila; ang hindi umasa sa aking mga kamag-anak.

Lahat ng p’wede  kong gawin ay aking ginagawa.  Tumutulong ako sa iba, kapag tapos na ang mga naka-assign na trabaho para sa akin.  Ayaw ko na ako’y nakatambay lamang, habang pinapanood ang aking ibang mga kasamahan.  Sa madaling salita, mahilig akong mag voluntary work sa kapwa ko. Para sa akin, hindi kawalan ang lahat ng ginagawa ko, bagkus, dahil sa pagtulong ko ay mayroon akong dagdag na kaalamang natutuhan.  Bukod pa sa isiping nakatulong ako upang mapadali ang isang trabaho.  Sa madaling salita hindi ako pala-isip o makasarili at walang pakialam sa paligid ko.

Kapag mayroong inuutos sa akin, kahit hindi ko alam ang lugar, ang lagi kong sagot ay alam ko!  Madali lang naman magtanong di ba? At mas lalong alam ko naman magbasa.

Kapag mayroon gustong ipagawa sa akin ang aking boss, at hindi ko pa alam paano gagawin; ang sagot ko ay “susubukan kong gawin ito sir at ipa-check ko na lang sa iyo kung tama ang gawa ko”.  Ang katwiran ko, saan ba tayo natututo? Hindi ba sa umpisang walang alam at ating inaaral para matuto?  Kaya wala sa bukabolaryo ko ang sumagot ng “Hindi ko alam ‘yan at ‘di ko kayang gawin ‘yan!

Kahit ano ang iutos at ipagawa sa akin, nang aking boss, supervisor o kahit kasamahan sa trabaho noon, ay hindi ako nagrereklamo.  Hindi iyon pagsi-sipsip, pagpapalapad ng papel o nagpapalakas sa mga boss at ninuman. Dahil, ang tanging nasa isip ko noon at sinasabi sa aking sarili ay “balang araw, ang lahat ng ginagawa ko ay magagamit ko rin sa aking sarili”

Babae ako, pero marami akong alam, at ginagawa na panlalaking trabaho, o gawaing panlalaki.  Minsan, natatawa na nga lang ako, dahil mas lalaki pa akong kumilos at mag-isip, kesa sa ibang nakakasama ko o nakaka-trabaho ko.  Ayaw ko sa malamyang kumilos, at mabagal mag-isip. Para sa akin, sayang ang oras at panahon.  Katwiran ko, ayaw kong abutan ng giyera, na laging sinasabi ng lola ko noon.

Nadala ko ang ugaling ito umpisa pa lamang noong nagka-isip ako.  Ayaw ko sa salitang “mamaya na” o “bukas na lang ‘yan”.  Gusto ko, gawin ko na ngayon, para safe na ako bukas o sa oras ng deadline o kung kelan kakailanganin ito.  Mapa assignment at project ko noong nag-aaral , hanggang nang ako’y nagkatrabaho na.

Padre at madre de pamilya ang papel ko sa buhay, iyon ang madalas na sinasabi nila.  Lalo na noong naging single mother ako.  Halos lahat na yata ng trabaho, puwera “construction worker” ay pinasok ko.  Basta lahat ng marangal na trabaho, okey lang na gagawin ko. Hindi ko lang ginawa noon ang tumambay sa ermita, dahil katwiran ko, hindi pa ako ganun ka desperado.  Maraming nagpapalabada, bakit ako tatambay sa ermita eh, ‘di mamasukan na lang ako na labandera kung wala na talaga.

“Jack of all trade” din pala ang tawag nila sa lahat ng ginagawa ko.  Doon ko lamang ito nalaman; nang minsan akong biniro ng aking kaibigan  Pero hindi totoo na mayroong “master of nothing”.  Sa halip, “Jack of all trade that I master everything”.  Masasabi ko na “master” hindi dahil sa naging expert ako sa lahat, kundi napatunayan ko sa aking sarili; kaya ko pala lahat gawin, ang mga bagay na akala ng iba ay hindi nila kayang gawain.  OO, tama! Isip ang nagu-udyok para gawin natin, ang mga bagay na gusto nating gawin.  Ngunit isip rin natin, ang madalas pumipigil sa ating sarili, upang gawin ang mga bagay na gusto nating gawin.

Lakas ng loob, tibay ng dibdib, tiwala sa sarili at tiwala sa lahat ng kakayahan mo. Ito ang susi sa bawat tagumpay ng isang tao. Kahit walang moral support na inaasahan galing sa mga taong nakapaligid sa iyo.  Ikaw at ikaw lamang ang mayroong kakayahang gawin ang mga bagay na magpapaunlad sa iyong sarili.

“Sana Nga! Para For Good Na Ako Sa Pinas, Mare” (Dream ng Bawat OFW at Pamilya Nito) Part 4-Usapang Negosyo

dorcenmmfacebook

PART 4- PACKMEALS at VARIANT MEALS

Sa Part 3 tinalakay ko ang “Balut-Balot na pagkain sa mga opisina

Dito sa Part 4 ay halos magkapareho lamang kung inyong iisipin.  Hayaan po ninyong ibigay ko ang pagkakaiba at kung paano mag umpisa ng ganitong negosyo

Maghanap ng mga kakilala o kaibigan na nagta-trabaho sa malalaking  kumpanya.  Hingiin ang tulong, magtanong-tanong kung paano sila bumibili ng kanilang pagkain. At kapag nalaman mo na bumibili lamang sa labas, o walang canteen ang kumpanya, kapag meron din mga nagdadala lamang ng mga balut-balot na pagkain, ito na ang time na alamin at hingin ang tulong para makausap ang HR ng company at Admin ng Bldg kung papayag sila na ikaw ay magdeliver o

mag cater ng pack lunch.

Mas maganda kung pumayag ang admin office ng building dahil allowed kayo na magdeliver o mag alok ng mga pack lunch sa ibang mga opisina na andun sa loob ng building na iyon.

Kapag nakapasok na kayo, hindi kayo malulugi kung ang boss ng isang company at ang head ng guard ng building ay inyong bibigyan ng libreng pack meals araw-araw.  At kanin naman para doon sa mga guards na naka duty.Total hindi naman kayo nangungupahan ng pwesto. Malaking bagay na iyon sa kanila at nakakatulong ka pa

“Mga sukat ng karne at kung paano at ilan dapat ang lumabas sa isang kilo ay tinalakay ko na sa Part 4”

PACKMEAL or PACK LUNCH / VARIANT MEAL

Hindi ito nakabalot sa plastic na supot. Ito ay nakalagay sa isang styro na mayroong divider na 3 para sa kanin, karne o isda at gulay.  Apat na divider kapag variant meals /catering na kailangan ay 2 ang karne at meron kasamang dessert

Packmeals for lunch-

-kailangan sticky ang mga sauce ng karne para hindi matapon ang sabaw o sauce dahil     nakalagay na ito sa styro na hindi nakabalot sa plastic

-ang takal ng karne ay nasa 2 kutsara lamang halos ¼ lamang sa isang order ng balut-balot (mas kunti kesa sa balut-balot)

-ang gulay ay nasa 1 ½ kutsara lamang mas kunti kumpara sa isang platito sa balut-balot

-ang kanin ay halos half cup lamang, kumpara sa balut-balot na pagkain

-meron free dessert nang kahit na alin dito: kendi,choc nut, o isang match box size na papaya or pinya.

-ang selling price  P 50.00- 75.00 depende sa klase ng luto ng karne o ulam.  At bawat ballot meron kayong gross profit na 20-30.00/packmeals

-mas maganda kesa balut-balot dahil kunti-kunti lamang ang takal. Mas mabenta dahil complete set na siya sa halagang mga nabanggit

-dahil kunti lamang ang takal ng bawat pagkain na nakalagay, mas madami ang magagawang packmeals mas malaki ang kikitain.

Variant Meals-

-ito ay packmeals din ngunit mas marami ang lamang pagkain nito.

  Ex: Variant 1 - Rice, 1 stick pork bbq , 2 slice pastel 2, pansit canton, slice of fruit o di kaya ay maja blanca. O kahit na anong panghimagas + zesto

-Kailangan meron 3 – 4 variants na pagpilian ang mga company o mga client na mag-order sa inyo.

-Bawat variant ay iba-iba ang pagkain na nakalagay pati na rin ang dessert

-Ang selling price ng variant meals ay P 100, P 120, P 130, P 150 depende sa gusto ng customer ninyo.

- Sa variant na worth 150.00 beef at pork bbq,pancit canton,rice, zesto juice, brownies or turon ang dessert. Meron kayong gross profit na 80-75.00 pesos

Ang gastos niyo lamang ay taxi araw-araw.  Puede na rin kayong bumili ng owner type jeep nasa 25-50k lamang ito.  Para meron kayong magamit na service sa pamalengke at pagdeliver.

Helper- depende kung gaano kadami ang inyong mga opisina na hawak sa isang building

Kung gusto ninyong makatipid kumuha lamang ng mga partime. Dahil sa hapon

Wala naman nang deliver.  Depende kung magpa order pa kayo ng merienda

Cook- Kung ikaw ay working kailangan mo ito.  Kailangan masarap at marunong dumiskarte ang iyong tagaluto.  Alam niya dapat ang pagkakaiba ng lutong bahay at lutong commercial na pangmasa at ang lutong mga especial.  Kapag masarap magluto ang iyong cook mas tatagal ang inyong negosyo.

Kanin- sabi nila di bale kunti lamang ang takal ng ulam basta masarap ang kanin

Mga ulam- kailangan iba-iba ang itsura at klase ng menu of the day ninyo. Magsasawa o mau-umay ang inyong customer kapag iyon ng iyon ang kanilang nakikita

Balikan ang mga naunang part nitong usapang negosyo para malaman ang proper savings at computation para kumita at kung paano mapanatili ang inyong negosyo at hindi malugi

Tulad ng sinabi ko ito ang patok na negosyo kahit mahirap at nakakapagod.  Bukod sa libre na ang inyong pagkain magpamilya, kumikita pa kayo ng malaki.  Sapat para makapa aral ng mga anak

Sa susunod na tatalakayin ko ay ang Canteen o carinderia

Ang mga susunod na mababasa ay pawang sariling opinion, karanasan at obserbasyon lamang. Nasa inyo na ito kung makaka-relate kayo, o medyo tatamaan ng konti.  Kaunting ilag lamang tayo, sabay sabi ng “teka, oo nga ano?  Baka kasi medyo nakakalimot na tayo, sa kabila ng kabisihan natin. Iyong mga pasok pa, ayon “congrats” mayroon kayong tinatawag na healthy marriage relationship. Despite the fact na wala naman talagang perfect marriage relationship.  Nasa nagdadala nga daw iyan. Siguro nga totoo, pero spice nga iyon ng pagsasama, ang meron kaunting tampuhan, awayan at argumento.

Kapag sapakan issue na, mag-isip na, dahil hindi na healthy ang relasyong meron physical violence.  Pero sabi naman ng iba, eh ok lang daw na sila ay abusuhin pisikal kaysa verbal.  Ang verbal abuse daw kasi ay andoon na ang pilat, hindi nawawala.  Ang “sampal” naman daw ay ilang minuto lang na ang manhid nito o sakit.  Sa ganitong aspeto wala akong gaanong masabi, hindi ko kasi ito naranasan pareho ( ang swerte ko di ba?)

Ideal Husband & Ideal Wife ka– May respeto ka sa iyong asawa sa lahat ng bagay. Lagi isinaalang alang ang opinion ng bawat isa.  Kahit hindi ka agree sa sinasabi niya.  Kakausapin mo ang iyong asawa nang mahinahon at ipaunawa ang gusto mo o ibig mong iparating sa maayos at mahinahon na paraan.  Itapon ang pride.

Ideal Husband & Ideal Wife ka– Kapag meron respeto sa privacy ng asawa  Hindi sa walang tiwala, pero kailangan at importante ito sa isang relasyon.  Huwag naman pagselosan ang mga ka text ni wife or ni hubby.  Lalo na kapag career woman si Wife or careerman si hubby.  Hindi rin  kasi maiwasan na maraming katawagan, ka text etc. kapag friendly si wifey or si hubby. Puera na lang kapag nabasa mo sa celphone, sa wall ng fb o kahit anung bagay na valid para ikaw ay mawalan ng tiwala. Ibang usapan na kasi kapag nakabasa ka ng meron ” iloveyou, at iloveyou too” sa mga nabanggit ko.

Para kay wife – Makulit ang babae, walang katulad sabi nga nila, lalo na kapag nag-tantrums, tiyak outside de kulambo si husband.  Wife, huwag namang masyadong panghimasukan ang mga private password ni husband pati na rin ang cellphone.  Kapag pakalat-kalat ang cellphone, malamang walang tinatago si husband. (‘yon pala meron isang simcard na nakatago, hehe joke lang) Ang wallet, puede pa siguro, lalo na kung bibisitahin mo kung meron pa s’yang allowance.  Baka nahihiya lang magsabi at bungangaan mo pa.  Iyon pala, naubos lang kabibigay sa mga anaki’s, na panay ungot at di matiis.  Tatay eh!

Para kay hubby – Ikaw naman hubby ideal kang asawa talaga kapag natiis mo ang dobleng bunganga ni wifey (doble nga eh di ba?…kaya wala ka nang magagawa doon kundi lambingin mo na lang at titigil yan hehe) Saka isa pa hubby, para walang gulo o away at laging happy ang buhay eh, iwasan ang mga bagay na puedeng pagselosan ni wifey at ganun din si wifey kay hubby. Give and take nga eh, di ba? Saka hubby tandaan mo kapag nagtampo o naggalit-galitan si wifey eh, hindi naman ibig sabihin non eh galit.  Madalas kaming mga wifey kapag naghahanap kami ng kalinga o lambing kay hubby eh dinadaan namin sa tampo-tampohan at galit-galitan. Minsan kasi meron mga manhid na wifey at hubby vice versa lang talaga iyan

Ideal Husband ka– Kapag hindi ka insecure sa kung ano ang narating ng iyong wife.  Be proud ka na lang.  Hindi masamang kainin paminsan-minsan ang pride, kung sa ikabubuti naman ng inyong pagsasama bilang mag-asawa.  Ideal ka hubby ka,  kapag ipinagluluto mo ang iyong mag-iina minsan.  Hindi nakakalimutan magsabi kay wife ng “I love you” at paminsan-minsan pinupuri ng “ang ganda naman ng asawa ko.” “Ang sexy naman ng asawa ko.” “Ang sarap naman ng luto mo loves.” Kahit bola lang lahat ito.  Mababaw lang kasi kaming mga babae eh!  At siyempe, don’t forget ang hug and kisses, kahit amoy laway pa J.

Ideal Wife- Vice versa ulit. Magaling magluto para sa pamilya. At Purihin naman natin si hubby kapag bagong gupit, bagay iyong polo o kahit na anong gamit sa katawan na kayong dalawa ang bumili.  Lalo na kapag siya ang pumili.  Purihin naman natin si hubby kapag nag-effort magluto.  Higit sa lahat kahit mapalaki o mapaliit man na achievements nagawa nya, hindi naman siguro mahirap ang palakpakan si hubby sabay hug and kiss.

Ideal Husband – Every pay-day iaabot mo kay wife ang iyong pay check, pay invelope o ATM.  Hintayin si wife na magtanong kung ano ang kailangan mo, at kung ok na sa iyo ang ibibigay niyang allowance mo galing din sa iyong sweldo J.  Isipin mo mahirap magbudget, kaya pakinggan ang litanya ni wife kahit nakakabingi na. Haplusin mo na lang sa likod nya at tatahimik na iyan.

Ideal Wife – Kapag inabot ni husband ang sweldo niya at masinop mo itong naba-budget. Nagagawa mo pang mag save. At higit sa lahat, e konsidera mo rin ang pangangailangan ni husband. Bigyan mo rin ng kunting pang happy happy, huwag lang isama sa allowance ang pang date nya don sa nae teybol niya minsang naaya sya ni pare J

Ideal Husband- Kahit anong busy sa career, meron ka oras sa iyong pamilya.  Nagagawa mo itong pakainin o ipasyal sa labas (kuha kay wife ng budget hehehe) Kapag mayroong sideline, mas maganda at tiyak happy face si wife.

Ideal Wife- Kapag kahit busy ka pa sa career mo o sa lahat ng gawaing bahay at alaga sa mga anak, nagagawa mo pa ring asikasuhin ang iyong asawa, iyong pagkain nya lalo na kapag ginabi ng uwi.  Huwag nang amuyin kung amoy alak at beerhouse.  Initin mo ang sabaw na lumamig at ulam. Asikasuhing pakainin.  Kapag ayaw at busog o lasing. Ibuhos mo na lang iyong sabaw sa kanya bakasakaling mahimas himasan. J biro lang ‘yan, huwag susundin.  Punasan mo ang suka nya kapag di kinaya, at kinabukasan sabihin mo “loves, inom ka ulit mamaya ha, meron na akong naka ready na basahan.”  Sabay hug and kiss. Mapapangiti na lang si hubby.

Ideal Husband – I-date mo si wife and treat her like noong una pa lang kayong nagkakilala, iyong nasa stage pa lang kayo ng tipong ang lalaki ng laggam na kumakapit sa inyo pareho.  Bolahin pa rin si wife kahit hindi na kapani-paniwala.  Ang sarap kaya sa pakiramdam naming mga babae kapag kami ay binobola ang aming mga asawa J.

Ideal Wife- Lambingin mo naman lagi si hubby at ayain na mag date kayo paminsan-minsan,  Iyong solo nyo lang ang mundo ninyo.

Ideal Husband-tumutulong kay wife sa gawaing bahay kahit hindi utusan. Hindi kabaklaan iyon, kundi pagmamahal sa aming mga babae. Patunay lamang na ayaw ninyo kaming nahihirapan.  Tulungan din si wife sa pagre-review sa mga anak.

Ideal Wife- Huwag naman gawing under de saya si hubby.  Kawawa naman kapag nakantiyawan ng kumpare.

Ideal Husband -kapag kahit galit ka sa mga biyenan at kapamilya nito. Ok lang, go ka lang sa pagbisita ninyo tuwing linggo at sa mga special gathering.  Besides, pamilya iyon ng iyong asawa kaya dapat tanggapin at mahalin mo din kahit mga engot pa ito sa iyo.

Ideal Wife-Ganun din vice versa.  Huwag mo naman talakan si husband, tapos hindi ka rin pala sasama sa special gathering ng kanyang pamilya na kapamilya mo na din.  Love your in-laws daw, kahit hindi naman lovable J.

Husband & Wife- Kapag meron away o tampuhan, pinapalamig muna ang situation.  At kapag nasa kama na at matutulog na, simpleng hug and kisses lang ang katapat niyan at sabay sabi ng “sorry” peace na tayo.  Huwag matulog na hindi nagkakaayos.  Panatilihin ang open communication lagi. Tiyak, kasunod ay labing-labing na. After ng labing labing, take note mga hubby “kiss your wife sa forehead.” Napakalaking bagay sa aming mga babae ang kiss sa forehead.  Sign of respect and love iyan na tunay, walang balatkayo.  Kahit napagod, kunting kwentuhan at holding hands hanggang makatulog na nang tuluyan.  Huwag naman after ng labing-labing eh, wala na tulog kaagad o di kaya ay talikuran style na at narinig na lang ang mga hilik na akala mo eh nakasakay ka sa barko .

Husband & Wife – kapag ang samahan ninyo ay “friends and lovers”.  Friends, kasi para lang kayong nagkukulitan, nakakapg usap ng anything “under the sun” ‘ika nga. Walang lihiman sa isat-isa.  Makasakit man o hindi andun ang understanding lagi.  Kaya ninyong intindihin ang bawat isa at ang sitwasyon. Marunong magpakumbaba at magpatawad. Nagbibigayang ng advise tulad ng magkaibigan. Marunong intindihin at tanggapin ang pagkululang ng isa’t-isa.  Wala naman kasing perpektong tao.  Kung iyong magkakapatid nga hindi nagkakaintindihan minsan.  Tayo pa kaya ng ating mga asawa, eh total stranger tayo sa isa’t-isa di ba?  Nagkita o nagkasama lang noong nanligaw na.

Husband & Wife- kapag dumadaan sa oras ng pagsubok, nandyan ang isa’t isa para sumuporta. Magsilbing lakas ng bawat isa at hindi parang walang pakialamanan.

Husband & Wife- Kapag napatawad ang pagkakamali ng bawat isa at piliting magbago at huwag na manakit ng damdamin ng bawat isa.

 Ideal Husband & Wife – kapag kahit malayo kayo sa isat-isa (work abroad) at lagi niyong ipinararamdam na andiyan lamang kayo magkatabi, nalalampasan ang mga tukso na nasa paligid. Naayos ang mga gusot at laging napapanatili ang pagbibigay ng oras o panahon sa pamamgitan ng pagtawag, chat, text at kung anupaman.

Ano ang score mo?…marami pa sana kaso, sigurado antok na kayo sa sobrang haba

Pero puede naman talaga maging IDEAL HUSBAND AND WIFE tayo, kahit hindi perpekto ang buhay.

“Sana Nga! Para For Good Na Ako Sa Pinas, Mare” (Dream ng Bawat OFW at Pamilya Nito) Part 3-Usapang Negosyo-Balut-Balot na Pagkain

dorcenmmfacebook

OFFICE FOOD DELIVERIES (Balut-Balot na pagkain) iyan ang aking ibabahagi sa inyo ngayon
Homebase lamang ito at hindi kailangang mag renta ng puesto

Natalakay ko na sa mga nakaraang blogs ko, ang pagkakaiba kung "rent" lang o "sarili ang puesto" na pagtatayuan ng negosyo.

 Lahat ng aking tinatalakay ay galing mismo sa aking sariling karanasan

1.Pinasok ko noong 2008 ang food deliveries, sa pamamagitan ng “balut-balot na ulam at kanin” sa mga opisina, kung saan meron akong mga kakilala. Malapit sa bahay at opisina.

2.Gumigising ako ng 3:30am para mamalengke.  5:00am nasa bahay na ako. Meron ako dalawang (2) assistant na nagsasaing sa kalan at rice cooker habang wala pa ako.  At ang isa naman ay kasama ko sa palengke, taga bitbit ng aking pinamili. Ako mismo ang gumagayat ng mga kailangan ko, para sa isasalang ko na tapos ng hugasan at linisn ng isang helper ko. Two burner ang gamit ko para sa 5 putahe.  Rice cooker ang gamit sa pagsaing kapag nag-umpisa na akong magluto

3. Mabilis akong magluto. Inuuna kong lutuin ang isda at gulay isusunod ko ang manok at pang huli ang karne.

4. Tuwing matapos ko lutuin ang isang putahe, binabalot ito sa plastic para hindi matapon ng isang helper at inilalagay sa styro box para hindi lumamig. Kasama na din ang mga kanin na binalot.

5.  Habang nagluluto ako at ang isang helper ay nagbabalot ng kanin, ang isang helper naman pagkatapos niyang linisin ang aking mga lulutuin, ay gumagawa ng listahan ng “menu” para dalhin sa mga opisin. Ito rin ang nagsisilbing order menu slip ng mga empleyado.  Babalikan niya ito ng mga 8:00-9:00am

5. Tapos na akong magluto 7am or 7:30 ng umaga.  Kunting pahinga at nagre-ready naman akong pumasok sa opisina ko.  Ang aking helper na ang bahala sa pag asikaso para sa mga deliveries.

6.  9-10:00am oras ng delivery nila sa mga opisina.  Nakabalot na ito ng individual at mayroon na din itong kasamang styro, kutsara at tinidor at meron na itong mga kanya-kanyang pangalan.  Iniiwan na lamang ito sa pantry nila o sa guard house. Ang iba ay inihahatid sa kanilang office table isa-isa  12:00 tapos na lahat, pati na rin ang mga pahabol na orders

7.  1:00pm babalikan ng mga helpers ko ang mga opisina, kung saan kukunin ang mga bayad nila.  Ang iba every Friday ang bayaran, at ang iba naman ay 15/30 ang bayad.

8.  Sa hapon naman 2:00pm, ay nagde-deliver ng mga merienda, tulad ng pansit, spaghetti, turon, banana cue, ginataang halo-halo.  Depende kung ano ang maluto ng isa kong helper.

 Ang negosyong ganito ay hindi nakakapagod masyado, kumpara sa meron maghapon na carinderia o canteen na nag o operate 12, 18 or 24hrs. Meron kasi dito mahabang oras na pahinga.

 Tips:  para kumita at paano kikita sa packmeal for office employees

 Pork/beef – kailangan makagawa ng 11 o 12 balot/takal

        (kapag hindi umabot sa bilang na iyan nabalik lamang ang inyong puhunan)

 Chicken – kailangan tantyahin ang laki ng hiwa. Kasing laki ng posporo lamang.       O di kaya ay bumili ng kilohan at  timbangin 3hiwa/20.00 ang cost ng meat

       (manok ang walang gaanong tubo o profit)

 Isda – Napakahalaga ang sukat at alamin kung ilang piraso ang isang kilo

          (ex. P85/kilo tilapia kailangan ang isang kilo ay 6 piraso.  Sa isda lamang )

Gulay – Piliin ang kung ano ang murang gulay na napapanahon

Sa mga isda at gulay kadalasan kumikita.

Sa karne cost pa lang ang P18-20.00, wala pa doon ang mga gulay at iba pang sangkap na ihahalo depende sa mga lulutuin mo o kung ano ang menu mo

 Ang iba pang mga gastusin sa negosyong packmeals

             Plastic para pambalot ng ulam

             Plastic bag para pambalot sa bawat order

             Styro, plastic na kutsara at tinidor

             Transportation para sa delivery- Bike lang dahil magkakalapit lamang

Baboy P 30.00 order Chicken/beef 35.00/order Gulay P 20.00/order Isda P 25-30/order (mga pangmasa ang presyo ko, para maubos at walang matira. Kapag may natira lugi na)

Benta o Sales P  4,400.00  (base sa total na pamalengke kasama ang bigas ay 2,500)

Puhunan              2,500.00    at tama ang pagkatakal ng lahat ng ulam at kanin )

                        ------------

Gross Sales       P  1,900.00

Less:                   1,000.00 (electric,water,salaries & other operating expenses  kasama ang aming pagkain sa maghapon

                             ----------

                          P     900.00 net profit

   (Tinalakay ko na rin sa nakaraang blogs ko, kung paano makapag save)

Advantage at disadvantages ng home base balut-balot na pagkain

Advantages:

Hindi pagod, gaano at may kalakihan ang net profit dahil walang renta at 2 lamang ang helper.  Kasama din pala ako sa may sweldo bilang taga pamalengke at taga luto.

Meron ka nang regular na customers

Disadvantage: 

Kapag walang pasok, walang income tambay lamang ang mga helper pero tuloy ang sweldo.

Kapag meron natira malaking kabawasan na sa benta at pati na rin sa net profit. Kaya kailangan marunong ka mag recycle ng mga karne o kahit ng isda.

Kapag meron birthday at hindi ka naabisuhan na meron silang libreng food, marami kang matitirang pagkain

NEXT BLOG ‘PACKMEALS O VALUE MEALS” ang topic mas malaki ang kita.

Alamin sa susunod kung bakit?

KAILAN PA KAYA?....KUNG HULI NA ANG LAHAT?

.facebook.com/photo.php?fbid=338239462930983&set=a.186665851421679.49845.178609772227287&type=1&theater

Hindi ako fanatic ni “Madam Auring,” at lalong hindi rin ni Jojo Acuin.  Pero minsan, oo, aaminin ko!  Kapag hindi umuubra ang mga resita ng mga doctor sa akin, at kapag halos naikot ko na ang mga  kilalang hospital  at magagaling na doctor ng kamaynilaan, iisa na lang ang huling nasa isip ko; ang kumunsulta sa isang “quack doctor”.  Hindi naman kasi alam ng mga doctor ang salitang “binat” at “napasukan ka ng lamig” (sorry sa mga doctor na makabasa nito, sariling opinion ko po ito at karanasan).

Oo,  sobra akong abuso  sa katawan ko. Sobra ang pagnanais ko na makamit ang aking mga pangarap at magkaroon ng magandang kinabusan. Kailangan ko ang kumita para malampasan ang buhay ng isang single parent noon, kaya naman, walang bawal sa akin.   Kaya naman, kahit bagong panganak at maraming bawal, sige pa rin ako sa mga ipinagbabawal sa akin na puedeng maksama. Ayon,  ang unang reward ko na natanggap sa sarili ko?“Binat sa gutom, pasma at nerbyos”. Feeling ko masisiraan na ako tuluyan ng ulo.  Doctor dito, doctor doon, wala rin.  Lahat kasi sinasabi stress lang.  Stress nga siguro ang medical term sa "binat" (hula ko lang, baka maka tiamba :)  )  Hanggang tumaba na ako sa kaiinom ng mga vitamins kasama na ang stresstab.
Last choice ko ang "quack doctor" albularyo ang tawag sa probinsya.  Meron kasi mga “quack doctor”, sabihin na nating gifted ang hindi lamang panggagamot ang alam.  May iba na meron silang kakayahan na silipin ang iyong nakaraan, kasalukuyan at ang hinaharap .  Iyon bang tipong isang tingin lang niya sayo, nababasa na niya ang kaloob-looban mo, parang x-ray.   At para nga maniwala ka, na nagsasabi siya ng totoo, epa flash back pa niya ang iyong “past”.  Interesting di ba?  Kasi nga first time mo pa lamang siyang na meet, then meron syang alam sa mga nangyari o kasalukuyan mo.  May bonus pa at pati na rin ang iyong bukas ay sinasalamin niya.  Kaya ko ito naibahagi dito sa blog ko, hindi para magyabang ako at para  sabihin na maniwala kayo sa mga merong gifted knowledge tulad ni manang. Sa totoo lang kasi ,eh, nangyari halos lahat ng pinagsasabi niya sa akin.  Gusto ko nga siyang hanapin at pasalamatan, kaso wala na akong contact sa kanya.  Inisip ko na lang din na nagkataon lamang ang lahat.  Nagsisikap lang kasi talaga ako kaya nangyari ang lahat ng sinabi niya.
Ito ang isa sa mga natandaan ko sa mga sinabi niya:

1. “Alam mo ba, darating ang araw meron isang lugar na mawawala sa mapa ng Pilipinas, lulubog ito kapag hindi mahigpit na ipinatupad ang illegal logging.
2. Dito sa Maynila, iyong Milenyo na nangyari? Masusundan pa ito ng paglubog ng buong NCR sa matinding baha, hindi bastang baha lamang ito.  Marami ang ma apektuhan na mga tao at magbubuwis ng buhay. Nakikita ko BASURA ANG MAGIGING DAHILAN, AT KAPAG HINDI NAAYOS ANG PROBLEMA SA BASURA, NAKIKITA KO NA, DARATING ANG ARAW TALAGANG PAGSISIHAN NG LAHAT  ITO. ( ito talaga ang tunay na hindi ko makalimutan sa lahat ng sinabi niya)
3. Ang Pilipinas kapag hindi napalitan ang kasalukuyang namumuno, tiyak lalong maghihirap ang bansa, sobrang laganap ang corruption.
4. Meron isang mamumuno ng bansa ng Pilipinas ang hindi inaasahang makakatulong para makaahon ang bansa, isang lalake ito.  Pero, mahihirapan siyang sugpuin ang mga  hindi gumawaga ng mabuti.

Akala ko nga noon si mr ___ ang tinutukoy niya. Hindi pala, mali ako ng hula hehe.  Di bale hindi ko naman sine seryoso ang lahat ng mga sinasabi niya.  Pero sa mga nakaraang kalamidad na nangyayari sa atin at lalo na nitong nakaraang linggo lamang.  Nakita ko iyong mga nakalutang na mga “BASURA” naisip ko bigla si “manang.”  Sabay dasal na, mali siya, hindi totoo ang mga sinabi niya, ito ay nagkataon lamang siguro.

Pero, kung bibigyan ko rin pansin, at maniwala sa mga sinabi ni manang, parang totoo din ang sinasabi niya, naiisip ko lahat ng ito,  habang nakahiga ako at nakatitig sa kisame.  Kinikilabutan ako, pero alam ko, si God ay 'andyan lamang, at siya ang mas higit na nakakaalam. Pero naiisip ko din, si God nga ang nakakaalam, pero, dapat  naman talagang kumilos ay tayo mismo na mga tao.  Hindi sapat iyong puro dasal lamang, ngunit kulang sa gawa.
KAILANGAN NGA BA TAYO KAILANGANG  KUMILOS?  KAPAG HULI NA ANG LAHAT?!

Ako? Ang magagawa ko, iiwasan ko ang gumamit ng “aircon” madalas, para hindi makadagdag ng lason sa ozone layer.  Basta, lahat ng alam ko,  na puedeng magdulot ng kabutihan at kagandahan sa kapwa at kapaligiran k , lahat ay gagawin ko.  Gagawin ko bilang isang mabuting mamamayan ng bansa ko.  Wala akong dapat ereklamo, dahil naniniwala ako sa sinabi ng aking nakatabi sa pila ( pumunta ako ng Cityhall) "Huwag naman ibagsak ang sisi sa gobyerno! Maaring nagkulang ang gobyerno sa pagpa alala at pagdisiplina.  Pero,  hindi ba dapat tayo na mismo ang magpatupad ng disiplina sa ating sarili?  Sa ating buong pamilya?  Mabuti na lang, marunong ako mag ligpit at magtapon sa tamang tapunan ng aking mga basura.  Mabuti na lang at nakikita ko sa anak ko, marunong kung saan dapat itapon ang basura.  Limang taon gulang pa lamang ito, ngunit marunong siya mag intindi kung paano e segregate ang mga basura.  Kahit 'san kami magpunta, naghahanap ng basurahan para lamang itapon kung ano ang hawak niya na di na niya kailangan at puro na lang balat.

Sana ikaw din, magnilay-nilay ka na rin.  Umpisahan na natin ang mag-isip ng para sa kaligtasan nating lahat at nang sanlibutan.  Dahil kung hindi, tayo rin ang higit na magdusa at makaranas ng hirap ng dahil sa kakulangan natin ng disiplina sa ating mga sarili.

“Sana Nga! Para For Good Na Ako Sa Pinas, Mare” (Dream ng Bawat OFW at Pamilya Nito) Part 2-Usapang Negosyo.

http://www.ayosdito.ph/Computer+Shop-3747309.htm

(Maraming salamat doon sa mga nag “shares and likes” sa part 1, kung saan tinalakay ko ang negosyong “sari-ari store”.  Sa halagang 5000 ay puede na kayong mag-umpisa.  At para sa mga may upa ang pwestong kukunin  ( kunyari 5k ang rent) 50-70k ay ok nang puhunan at paikot-ikutin na lamang ito.

Internet Shop
Tulad ng sinabi ko kailangan ang “feasibility study o pag-aaral bago pumasok sa isang negosyo.

1,Mag rent ka ban ng space para sa internet mong negosyo?

a. Ang renta ay 8-12k para sa 10 units na pc

b. Kung malapit sa school mas maganda dahil sasamahan mo ito ng printing, typing, ID picture, lamination, at lahat ng kung anong puedeng ilagay mo related sa computer works. Pati na rin ang school supplies. Kailangan nga lang meron kang policy na ipatupad sa mga estudyante kung kelan sila dapat puedeng pumasok sa shop mo.  Kung hindi, maaring ipasara ng local na pamahalaan ang iyong shop.

c. Safe ba ang lugar na uupahan mo, uso ang nakawan sa mga internet shop at kailangan ang surveillance camera para sa proteksyon na rin.  Kailangan din ang puesto ay alamin mo kung binabaha.

d. Ang paupahan mo ba na nakita ay commercial place, ibig sabihin ang kuryente ay iba ang singil, mas malaki kumpara sa residential rate.

e. Tignan ang competition, baka marami ka nang katabi

2.Ilan ang unit na dapat kailangan

a. Kapag nangupahan ka lamang, dapat meron kang at least 10-15units bilang umpisa. Kailangan na ang operation time mo ay 15hrs. 

b. Kailangan bumili ka ng mga OS na original at lisensyado paraw iwas sakit ng ulo. Merong mga pirated na OS pero, hindi magaganda ang mga games na nandun.  Alalahanin na karamihan kaya napupuno ang net shop ay dahil sa mga “games”. Karamihang mga sikat na games ay nasa license OS

c. Ikonsidera ang ang pagpili ng network. MyDSL, broadband o kung anong meron sa lugar ninyo. Piliin ang mabilis na connection at nababagay sa dami ng iyong units.
d. Ayon sa pagtatanong-tanong ko, para minus at makasigurado, kung meron kang kapatid o kaibigan na magaling na computer technician, puede na siya na ang mag assemble ng unit mo. O kung gusto mo naman bumili ng ready to use na, magsama at magtanong-tanong sa kilala at pinagkakatiwalaan mo na comp technician.

e. Mas maganda rin at maka minus ka kung siya na rin ang mag-install ng iyong net shop.  Meron din sa google makikitang mga nag o offer ng net business at sa kanila na manggagaling lahat pati ang pag-install. Magbabayad ka na lamang. Package ang tawag doon.  Kung meron kang credit card, meron na din charge sa credit card.

f. Meron din isang program na kahit nasa abroad ka, puede mo ma access ang status ng net  buss mo. Kahit ipagkatiwala mo sa iba ang pagbantay kung busy si mrs, mababantayan mo ito ng parang andito ka rin sa ‘Pinas.  Kung tama ba ang cash sales ng “bantay”  na isinumite sa asawa mo. Kailangan na meron kang trusted na technician.  Mas makatipid ka kung ang iyong bantay ay magaling din sa pag trouble shoot ng mga PC. Kapag nasa abroad ka, kailangan meron kang isang taong puede mo pagkatiwalaan.

g. Kung maari huwag pumasok sa “franchising”. Magtayo ka ng sarili mong pangalan. 

3. Magkano ang expected na kita at kelan maaring mabawi ang binitawang puhunan

a. Depende sa oras ng operation mo at kung iyong OS mo ba ay maganda, dahil kung mabilis ang connection mo at maganda ang mga online games meron ang internet shop mo, siempre expect mo na ang maraming customer mo.

b. Puede ninyong gamitin ang simple technique na tinalakay ko sa Par.  Kung paano mapangalagaan at pano e save ang para sa operation expenses daily at pati na rin kung paano mag save sa benta araw-araw.  Nang sa ganun pag-uwi ng ninyo o ng asawa ninyo ay masaya kayong maipakita ang inyong na save galing sa net buss. Ninyo.
related post:

http://definitelyfilipino.com/blog/2012/08/04/sana-nga-para-for-good-na-ako-sa-pinas-mare-dream-ng-bawat-ofw-at-pamilya-nito-part-1-usapang-negosyo/

Example:  (meron akong kapitbahay doon sa isang inuupahan kong bahay para sa mga tindera ko) 15hrs sya nag operate 10 units at 15/hr lang ang bayad.  Nasa looban siya, sarili niya ang bahay, sa itaas sila nakatira. Electric fan lang ang gamit niya.  May aircon pero sandali lamang niya ito binubuksan.  Maluwag naman kasi ang space niya at nakakahinga ang kanyang mga PC. Pero advise ko pa din ang gumamit ng aircon. Kung hindi madaling masira ang inyong PC at kunti lang ang papasok para mag net dahil mainitan.  Ang total sales nya sa 15hrs from 1800-2000.  Kapag mahina ang araw nasa 1500 raw. Ang kuryente niya umaabot ng 8-9k.  Ang sweldo nya sa kanyang bantay P200/day. Ang connection nya ay 3k+.  Minsan ang net profit nya daily ay nasa 800-1300.  In less than a year, nabawi niya ang kanyang puhunan.  Ngayon doon na siya kumukuha ng lahat ng gastusin nila sa bahay at pang tuition ng anak.

Sa negosyo kailangan mo ang masusing pag-aaral, location, demand ng market at ang kakayahan mo o kapasidad mo kapag pinasok mo ito.  Malaki ang puhunan na bibitawan mo.  Hindi kailangang magmadali. Ayon nga sa nabasa ko sa FB wall ng kaibigan ko, “sa negosyo,  kailangan lalake ka mag-isip at magdesisyon” at tama po siya.

Abangan sa susunod ang mga sekreto ko sa negosyong “Canteen o Karinderya”,  Ang pinakapatok na negosyo sa panahon ngayon.

MAY ASAWA KA NA BA? O PLANO MO NG LUMAGAY SA MAGULONG BUHAY, DAW?

Ayon kay Jonathan Lockwood Huie, Bakit daw ang ibang mag-asawa ay  masayang nagsasama habang sila ay nabubuhay, habang ang iba naman ay sa umpisa pa lamang ay masyado nang kumplikado ang pagsasama?

Isa daw na sagot sa katanungang iyan ay ang “compatibility”, kung saan ay dapat unang isaalang-alang sa pagpili  ng ating magiging partner for life.  Compatibiity  daw sa kung saan ay pareho kayo ng pananaw sa buhay. O depende sa kung paano at ano ang inyong pamantayan sa pagpili habang kayo ay nasa stage pa lamang ng pagkikipagrelasyon.

Ito raw ang mga dapat isaalang-alang ng mag-asawa.  Ang iba ay galing sa kanya na alam kong tama at napatunayan ko na rin bilang isang may partner o asawa.  Kaya ang mababasa ninyo ay hindi lamang ayon sa aking nabasa, kundi galing mismo sa aking sariling karanasan at ina apply sa aking buhay may-asawa hanggan ngayon at sisikapin ko hanggang sa aming pagtanda habang kami ay nabubuhay.

1. TIWALA – ang maling hinala, pagkawalang tiwala at pagseselos ang kadalasang sumisira sa isang relasyon. Ito ay maaring iwasan sa pamamagitan ng pagbibigay ng tiwala sa isat-isa, kung wala namang dahilan o nakikita na rason upang hindi magtiwala.  At kapag naman dumating sa point na meron nagloko sa isang relasyon, dito na hindi maiiwasan ang selos at kawalang tiwala ng isang partner.  Ang masakit don kahit nagbago na ang partner, nagsisi, andun pa rin ang pagdududa o suspetsa.  At sa panahon ngayon, masyado na itong laganap kaya karamihan ay nagiging miserable ang kanilang relasyon at sa huli magiging dahilan ng paghihiwalay.  Pero,  kung andun pa ang respeto at tiwala ninyo sa isat-isa magagawan ito ng paraan.  Bakit hindi ninyo bgyan ng time at pag-usapan ng masinsinan.  Alamin sa bawat isa kung ano ang dahilan at pagkukulang ng bawat isa. Ipahayag ang totoong nasa kalooban upang sa ganun ay magawan ng solusyon. Sikaping huwag ng ungkatin ang nakaraang pagkakamali. Ipakita na karapat-dapat kang bigyan muli ng tiwala ng iyong partner.
2. OPEN COMMUNICATION-Ito ang pinakagusto ko sa lahat, dahil ito ang isa sa formula ko.  Para maiwasan ang nasa no. 01, magsabi ng  buong katotohanan.  Kung ayaw mong ibahagi ang iyong buong buhay sa iyong partner, bakit pa kayo nagsama o nag-asawa? Kung nakagawa ng kasalanan, aminin ito. Huwag mag alinlangan na magsabi ng totoo, dahil sa pagsasabi ng totoo, kadalasan doon ka naiintindihan ng partner mo.  Ito rin ang madalas na nakakasira ng isang relasyon.  Pero, kapag ang bukas na pag-uusap o open communication na tinatawag ay lagi ninyong isina alang-alang, ito ay walang imposible.  Sa heart to heart na pag-uusap, tiyak ang isang masayang relasyon na hinahangad.  Dito kasi masusukat kung gaano kalawak ang pang unawa ng bawat mag partner.
3. IGALANG ANG OPINYON NG BAWAT ISA- ang bawat tao ay meron hindi iba’t-ibang pananaw sa buhay o persipsyon sa lahat ng bagay, ang mag-asawa ganun din. Alalahanin na ang mag-asawa ay hindi magkadugo, hindi magkakilala, estranghero sa isat-isa.  Kung ang magkakapatid nga ay meron hindi pinagkakasunduan, what more pa kayong mag partner di ba?  Napakahirap ito sa isang relasyon at alam nating lahat iyan.  Bakit nga ba umaasa tayo na kailangan ang bawat isa ay mag-agree sa lahat ng bagay? Eh, ayaw nga ng partner mo ng sinigang pero ipagpipilitan pa rin na iyon ang kainin niya. So? What's next magtampororot si partner, di man magsalita kinikimkim lang.  Kaya, puede naman natin igalang ang bawat nararamdaman at opinyon ng bawat isa.
4. TIWALA SA SARILI AT CO-DEPENDENCY- para sa akin ito ay kailangan.  Bago pa kayo nagkakilala ng iyong partner, alam na niya sa kanyang sarili kung sino at anong klase siyang tao. Ganun din kung ano ang meron siya bago pa kayo naging mag-asawa o mag partner.  Meron na rin siyang sariling mga kaibigan at sariling mga ginagawa bago pa naging kayo.  Hindi naman kayo pariho ng mga kaibigan at pinagkaka interesan sa buhay. Kapag ikaw ay co-dependent partner, meron kang kakayahan na maghanap ng solusyon sa bawat problemang kinakaharap. Dito pumapasok iyong kung gaano mo pinahahalagahan at kung paano mo inuuna ang ikabubuti ng isang relasyon na hindi iniisip ang iyong pansariling kapakanan. Madalas itong mae apply sa isang relasyon na kung saan ang isang partner halimbawa ay meron bisyo. Alak, sugal, drug at iba pang maituring na hindi maganda ang hatid sa isang relasyon.  Dito masusubok kung ano ang iyong kakayahan upang maiayos ang buhay ng iyong partner para sa ikabubuti ng isang relasyon. Emotion, tibay ng loob at kontrol sa sarili ang higit na kailangan dito.  Ito ang pinakamahirap na stage ng isang pagsasama. Kaya kapag sumuko at walang kakayahan sa tulad nito, tiyak na masisira ang isang relasyon.
5. GENEROSITY O MAPAGBIGAY-ang pagiging sakim at makasarili ay nakakasira din ng isang relasyon.  Ang totoong pagmamahal ay mapagbigay, hindi lamang sa pangmateryal na bagay masasabi ang kailangan natin upang masabi na tayo ay generous.  Huwag nating ipagdamot o huwang tayong maging sakim sa ating partner sa pagbibigay ng oras o panahon, pagmamahal at atensyon.  Kahit gaano pa kaabala ang bawat isa, sikaping magtakda ng panahon o oras upang makapag solo.  Kailangan ito, kadalasan sa kawalan ng oras sa isat-isa nababawasan ang "magic" na sinasabi, parang nawawalan ng spice ang isang relasyon dahil wala na nga kayong panahon sa isat-isa.  Di ba noong nagliligawan pa lamang o mag kasintahan pa lamang, isang tawag, text lang andiyan na kaagad.  Sa isang Long Distance Relationship mas lalong mahalaga ito.  Gaano ba kayo katagal na magkalayo, di ba taon at hindi lamang mga buwan at araw? Anu ba naman iyong magtakda ng oras kung kelan kayo mag online, ano ba naman ang text o tawag basta meron load. Dito madalas nagkakalamigan ang bawat isa dahil kulang na sa panahon para lambingin ang isat-isa.  Hindi puedeng ikatwiran walang load, pero bakit nakakapag text o tawag ka sa mga kaibigan mo di ba? Unahin ang partner bago ang mga pansariling gawain upang magkaroon ng isang masayang relasyon.
6. PAGPAPATAWAD-hindi kailangang bigyan puwang ang poot at paghihiganti,pagrerebelde at hindi pagpapatawad, bawal ang sobrang emote na umabot sa puntong nagmatigasan na sa isat-isa.  Bawal ang matulog na meron galit o away na hindi napag-uusapan. Ito ang pinaka importante sa lahat. Iyong tipong nakahiga na kayo sa kama, huwag tutulugan o magtalikuran, yakapin si mahal sabay sabi ng "sorry" sabay hug and kiss.  Then, expect the next move, a romantic scence na paggising ninyo sa umaga meron ng ngiti sa labi.  Marami na akong pinagdaanan sa isang relasyon kaya nasasabi ko na meron tayong kakayahan na magpatawad.  Basta uulitin ko, ang respeto at pagmamahal ay andiyan pa, walang imposible lalo na kapag sinamahan ito ng panalangin.  Huwag ipagkait ang "chance" na sinasabi.  Isipin ang lahat ay nadadaan sa matinong usapan at hindi sa sigawan at pag alsa balutan.
7. BE PROUD O IPAGMALAKI-Ang masayang mag-asawa ay habang buhay na ipinagmamalaki ang kanyang asawa o partner in life, hindi nito ikinahihiya.  Habang buhay kailangan laging ipagmalaki ang nagagawa o ginagawa sa iyo ng asawa o partner mo. Lahat ng achievements na nagagawa ng bawat isa e appreciate. Praise him/her everyday, Wala namang araw na wala tayong hindi nagagawa kahit munting bagay para sa ating asawa o partner. Huwag itong ipagkait, simpleng thank you o salamat, happy na si partner ‘don, lalo na laging meron kasamang hug and kiss.
8. GAWIN SENTRO NG PAGSASAMA SI GOD-kapag nasa puso ng bawat mag-asawa o partner ang faith at pagtitiwala sa maylikha, tiyak ang masayang pagsasama habang buhay.
9. MAHAL KITA O I LOVE YOU-ito ang mga katagang nagsisilbing panghimagas sa relasyon. Huwag kakalimutan ang salitang ito, kasama ng isang HALIK torrid man o smack lang(baka kasi amoy laway pa hehe)  Mahalaga rin ito before and after you made love, kasabay ang HALIK SA NOO, after the bed encounter (kuno  :)  ) para kasi sa isang babae, this is the sign of our husband or partner’s pure love and respect to us ( to his wife).  Subukan ninyong gawin, at meron kayong kakaibang mararamdaman. Sobrang gaan ng feeling.

Napatunayan ko rin na ang pagsasamang puno ng pagmamahalan, pagpapatawad, at na aayos ang mga tampuhan at mga alitan ay naghahatid ng peace of mind.  Kapag mayroon peace of mind ang isat-isa, tiyak ang pagkakaroon ng isang masaganang pamumuhay.  Nagkakatulungan sa lahat ng bagay, cooperative dahil walang gusot at nagkakaintindihan. Dumadaan man tayo sa mga matitinding pagsubok ng buhay may-asawa, basta laging isa alang-alang ang nasa itaas, tiyak walang imposible, Masayang pagsasama ay matutupad.

"Kabataan, Please?....Makinig Naman Kayo Sa Inyong Magulang"

http://www.fotosearch.com/SPS503/1099-6791/

Hindi ko mapigilan ang aking sarili, na ibahagi sa inyo ang aking saloobin.  Pasensya na doon sa mga taong aking matatamaan. Ipagpaumanhin po ninyo, lalo na po doon sa mga magulang na tulad ko rin po.

Hindi lingid sa ating lahat ang paglaganap ng rape o maagang pagkabuntis ng mga kabataan ngayon.  Pati na rin ang maagang nakabuntis ang isang nagbibinatilyo pa lamang  Bakit nga ba ganito na ang nangyayari?

Masyado nang nakaka-alarma di ba?  Mga kabataan ngayon, nasa grade six pa lamang ay mulat na sa usaping sekswal.  Kaya naman ngayon, usong-uso na ang pre-marital sex.  Iba na din ang takbo ng isip ng mga kabataan ngayon.  Walang takot na sa mga magulang, o kahit kaninong nakakatanda sa kanila.  Noong kapanahunan ko, isang tingin lamang ng tatay ko sa akin, nakuh, kailangan ko ng tumabi at manahimik sa isang sulok.  Batas ang tingin noon ng magulang, kumbaga “makuha ka sa tingin.” Isang salita lang ng magulang ko noon tiklop na ako.  At kapag nagkasala ka, o sinuway mo sila, patay kang bata ka, at umpisahan mo ng magdasal.  Dahil, tiyak meron naghihintay sa iyong katakot-takot na sermon o ‘di kaya ay ibibitin ka pa ng patiwarik.  Hindi lang iyon, isisilid ka pa sa sako kapag hindi ka napalo o ‘d kaya’y luhod sa monggo o asin.

Sa panahon ngayon, sino nga ba ang dapat sisihin?  Mga magulang ba, na sabi nila ay nagkulang sa pagdisiplina sa mga anak nila? At kasama na din ang kapabayaan daw nila, dahil abala na sa paghahanap-buhay? Mga magulang ba na nagsisilbing bad example daw sa kanilang anak, dahil sila mismo na magulang ay gumagawa din ng imoralidad?

Mga kaibigan ba na malakas ang impluwensya na hatid sa kanila?

Dahil ba sa malaganap na social networking ngayon?  Dahil ba sa mga internet sites ngayon, na kaya ng pasukin ng mga kabataan tulad ng mga x-rated videos.

Dahil ba merong mga motel sa tabi-tabi na, sa kagustuhang kumita lamang ay pinapayagan kahit menor de edad ang kanilang parukyano?

Ang masama ‘don, naka uniform pa bilang isang estudyante? At hala! Toto-o ba ang nakikita ng dalawang mata ko? Sa isang motel na mayroon sign na “Promo 150/3hrs,” iyong dalagitang hula ko eh high school ang uniform, meron kasamang dalawang parang totoy pa, at naka uniform din!  Naghihilahan pa! Tumigil ako sa malapitan sa kanila.  Sabi ng isang binatilyo na parang totoy pa ang katawan, “Tara na bilis, ok lang ‘yan! Huwang na mahiya, dalian n’yo at baka meron pang makakita sa atin dito!.  Iyong isang binatilyo naman, “ Mauna na kayo, sunod na lang ako, saglit lang, nagbayad ka na ba?  Meaning?...papasok silang tatlo doon? At ibig sabihin……2 binatilyo, isang dalagita…..meaning? Three some sila? May tawag don “orgy” ba ‘yon? Ah, ewan! Basta ‘yun na ‘yon ang ibig kong sabihin.

Magulang din ako, pero lalake ang anak ko.  Hindi ba mas doble ang kaba nating mga magulang, kapag babae ang anak natin?

Ano at paano nga ba ang ating gagawin sa panahon ngayon?  Sa toto-o lang napakahirap ang papel ng isang magulang.  Kailangan pag-aralan kung paano ba ang tamang diskarte kapag ang anak ay medyo naliligaw ng landas.

Ako, ang paraan ko, lagi kong kinukuwentuhan ang anak ko.  Mga bagay na what if’s kapag nagpatangay siya sa makamundong usapin.  Lagi ko rin itong pinaalalahanan na unahin ang pag-aaral, at after that? Puede na niyang gawin kung ano ang gusto nya.

Na after that, mas madami pa siyang makikilala na mga babae.  Lahat na ng makakabuti at makakasama, ay lagi ko itong nire-remind sa kanya.  Pero hindi naman iyong tipong maiinis na s’ya, dahil sa para kang sirang plaka.  Sa halip makinig sa iyo, maasar pa. Minsan dinadaan ko sa barkadahang usapan, ayon at mukhang effective, kasi don s’ya nagbibigay ng kanyang opinion about sa usaping ganito.

Ano pa ba ang puedeng paraan na gagawin nating mga magulang upang ang mga anak natin ay huwag maligaw ng landas?

Naniniwala kasi ako sa kasabihang " Nasa loob ng ating tahanan kailangang mag umpisa ang ikabubuti ng ating buong pamilya.

Ano ba ang puedeng partisipasyon ng ating pamahalaan at komyunidad sa ganitong problema.

Pagsubok....Kailan Mo Kaya Ako Lulubayan?

http://www.buzzle.com/articles/words-of-encouragement-from-the-bible.html

Sa dinami-dami ng hirap at kabiguan na aking pinagdaanan, mula pagkabata hanggang sa kasalukuyan; masasabi ko na ito ang mga dahilan para ako ay magkaroon ng “pusong bato.”

Ito rin ang dahilan, upang ako’y manatiling matatag sa lahat ng hamon sa buhay.  Ilang pagsubok na nga ba ang kanyang ibinigay, talagang hindi na mabilang sa aking mga daliri. Mukhang tuwang-tuwa talaga pa talaga na ako ay laging sinusubukan n’ya.  Umaalma din ako paminsan-minsan.  Sino ba ang hindi, di ba?  Nakakapagod din kaya at nakaka praning.

Sa isang banda, sabi ko, okey lang.  Okey lang, basta wala lang akong sakit, pati mga anak ko.  Kasama na din ang mga kapamilya ko.  Okey lang, basta kumakain kami ng tatlong beses isang araw. At hindi na nararanasan ng mga anak ko, ang naranasan ko noong bata pa kami. Ang magtiis sa ulam ay asin, niyog, gamos, o di kaya ay bukayo. Minsan pa nga, kamoteng kahoy o saging.

Pero, kahit ‘pano hindi ako tuluyang bumitaw sa aking “Savior.” Sa aking natatanging matalik na “kaibigan.”  Nag-iisa sya na kaibigan, alam n’ya lahat ang tungkol sa akin, alam n’ya lahat ng aking ginagawa.  At madalas din n’ya akong inuunawa, sa bawat pagkakamali kong nagagawa.  Andian s’ya lagi kapag alam n’ya hirap na akong bumangon.  Andian s’ya kapag kailangang-kailangan ko s’ya.  Mas nauuna pa nga siyang lumapit sa akin, kesa ako ang maunang lumapit sa kanya. 

Ilang beses na rin n’yang sinubok ang aking kakayahan. Maraming beses na din.  Hanggan sa dumating na nga ako sa puntong, sinasabi ko sa aking sarili “wla yan, ako pa! Maning-mani lang yan.”  Hanggang na used na ako, kumbaga, katumbas ng problema o pagsubok, tawa na lang ang aking isinusukli.  “Darna” nga daw ako eh! Kaso, wala naman akong nilulunok na bato.  Nawawala kasama si Ding.

Pero, akala ko nga si “Superwoman” at “Darna” na ako.  Mali pala, nakatago lang pala sa kasuluk-sulukan ng puso at pagkatao ko, ang kahinaan ng loob ko. Nakamaskara lang pala ako.

Isang napakatinding pagsubok, muling pumatak ang luha ko.  Matagal ko na rin kasing kinalimutan ang umiyak. Ayaw ko na kasing umiyak naipangako ko ‘yan sa aking sarili.  Pero hindi pala. Balde-balding luha ang nawala sa akin.  Habang hinihintay ang resulta ng aking medical biopsy at iba pang laboratory test, unti-unti rin akong pinapatay ng aking mga naiisip.  Nasabi ko pa nga, “Kunin n’yo na po sa akin lahat, kung ano ang meron ako na mga material na bagay,  huwag langpo  ang buhay ko ng maaga.”

Walang kasing-sakit, ‘ramdam ko sa bawat patak ng aking luha, ang parang punyal na itinatarak sa aking dibdib.

Sinubukan ko maging matatag, ilang araw na ako’y nagbalatkayo na okey lang.  Sa tulong nga mga kapamilya, kaibigan at mga bagong kakilala, ako’y nagpapasalamat ng lubos.  “Prayer can move mountains,” at totoo nga, walang imposible basta ialay mo sa kanya lahat ang iyong sarili.  “OO,” Tama ka, ilang beses ko na itong napatunayan, hindi na rin mabilang sa aking mga dalire.

Naurong ng naurong ang labas ng result. Meron na akong natanggap na isang pahiwatig mula sa kanya. Isang ngiti.  Alam ko magiging okey ang lahat.  Ngunit, tinatalo pa rin ako ng hindi magandang isipin. “Parang awa na po ninyo, hindi ko kayang iwanan ang aking mga anak, hindi pa po ako ready.”  Hindi po ako exaggerated, pero dumaan ang buong pamilya naming sa magkasunod na trahedya 2years ago. Puro healthy lahat pero biglang kinuha nya sa amin tatlo na halos magkakasabay.  Cancer, HB at Heart Attack.

“Ang lakas mo mag pray!”  Dhors, okey lahat ang result mo, nagtataka man ako sa resulta, bilang isang bihasa sa ganyang kaso, pero dapat ipagpasalamat.” Ang tanging naririnig ko na sinabi ng aking OB sa kabilang linya.  “You are free from Cervical Cancer, No infections, and no need na rin para kita ay raspahin!”  Ako rin ay nagulat.  Nagulat dahil nakita ko mismo sa monitor ang problem. Dahilan para ako’y mag-alala, lalo na noong sinabi na, kailangan meron akong kasama na kapamilya, kapag inalam ko na ang result.

“Still, God is Good!”…… ito ako, nakahanda pa rin sa mga darating pa na mga pagsubok na ibibigay n’ya sa akin.  Ganyan ‘nya ako kamahal. Sa ganong paraan n’ya ipinararamdam sa akin ang kanyang “unconditional love.”

Pagsubok,Kaylan Mo Kaya Ako Lulubayan? Salamat, Lagi ‘Din Kitang Nalalampasan!

-----------------------------------------------------------------------------------------------------------------------------------

 During times of trouble, when the waters seem to sweep over us, we can find solace in the words of encouragement from the Bible. Agonizing events can debilitate one's faith, however, constantly reminding yourself of the promises of God and clinging to them, will help you stand firm even in a fierce storm.